Bujar Osmani zbardh planin me 9 pika për uljen e tensioneve në veri të Kosovës

Kryesuesi i OSBE-së, Ministri Bujar Osmani, ka publikuar në Twitter një plan nëntë pikësh për depërshkallëzimin dhe normalizimin e tensioneve në veri të Kosovës.

Plani synon arritjen e paqes dhe stabilitetit të qëndrueshëm në veri të Kosovës dhe kthimin e serbëve të Kosovës në institucione dhe procese demokratike.

Si pikë e parë, plani kërkon që Kosova dhe Serbia të riаfirmojnë angazhimin e tyre ndaj Marrëveshjes Themelore dhe Protokollit të Ohrit.

Së dyti, Kosova duhet të tërheqë forcat e saj speciale policore, kurse Serbia duhet të ulë gatishmërinë luftarake të forcave të armatosura.

Së treti, policisë së Kosovës, së bashku me forcat e KFOR-it dhe EULEX-it, duhet t’i mundësohet që të kujdesen plotësisht për rendin dhe sigurinë e vendit.

Së katërti, të anulohen protestat dhe të vihen në funksion shërbimet komunale për funksionimin normal të jetës shoqërore dhe njëkohësisht t’u lejohet qasje punonjësve në komuna.

Pika e pestë, kryetarët të japin dorëheqje deri në verën e këtij viti, duke i hapur rrugën zgjedhjeve të parakohshme komunale.

Pika e gjashtë, zgjedhjet e parakohshme komunale të mbahen këtë vit.

Pika e shtatë, OSBE do të mbështesë procesin zgjedhor, përmes mbështetjes teknike të autoriteteve kosovare që do të organizojnë zgjedhjet, duke forcuar legjitimitetin dhe besimin ndërmjet komuniteteve.

Pika e tetë, OSBE do t’i angazhojë të rinjtë në programet dhe proceset e pajtimit.

Pika e nëntë, OSBE-ja do të vë në dispozicion kapacitetet e saj për të mbështetur zbatimin, me vullnet të mirë nga të dyja palët, e dispozitave të dakorduara dhe vazhdimin e dialogut.

📍@OSCECiO Roadmap: 9 Steps for De-escalation & Normalisation
➖Achieving durable peace & stability in #Kosovo: Ways ahead for returning & participation of Kosovo Serbs in t/ democratic processes

1. Kosovo & Serbia reaffirm commitment to t/ basic agreement & #OhridProtocol.(1/4)

— Bujar Osmani (@Bujar_O) June 3, 2023

LEXONI GJITHASHTU:

• Kompanitë ajrore përgatiten për verën: Të gatshme për të shmangur kaosin
• Kina: Aleancat si NATO-ja mund të nxisin konflikt në Azi-Paqësor