Buka shitet me çmime të ndryshme, importuesit e miellit paralajmërojnë rritje

Situata me rritjen e çmimit të bukës në treg, jo vetëm nuk është rregulluar por është bërë edhe më shumë kaotike se disa ditë më parë.

Nëse më parë qytetarët e dinin se sa lekë do shpenzonin për të blerë një bukë, sot është surprizë dhe për ata vetë.

“Bukën e marr me 70 lekë, por sot nuk e di”, u shpreh një qytetare.

Po edhe vetë rritja e çmimit nuk është e standardizuar. Diku shitet 70 lekë të rinj, diku 80 e diku tjetër edhe 100 lekë.

Edhe ata që se kanë rritur ende çmimin, e kanë në plan ta bëjnë në vijim, thjesht po shohin situatën.

“Neve si furrë nuk e kemi rritur akoma, por të shohim. Çmimi i bukës është tani 80”, tha një tjetër qytetare.

Shpëtim nuk kanë gjetur as ata që nuk blejnë bukë, por miell dhe e gatuajnë vetë, pasi edhe ky produkt është shtrenjtuar.

Në këtë pikë këto çmime që variojnë nga njëra pikë shitje tek tjetra dhe që ndryshojnë çdo ditë, po i ngjajnë një loje kungulleshkash më shumë se një tregu të rregulluar.

LEXONI GJITHASHTU:

• Nënkryetarja e Komisionit të Ekonomisë: Qeveria të ulë taksat për prodhuesit e bukës, të krijohen rezerva mielli
• Rritja e çmimit të bukës, efekt zinxhir nga shtrenjtimi i miellit, thonë prodhuesit
• 20 milionë ton grurë më pak, ndryshimet klimatike ndikuan te prodhimi, thotë eksperti