English

Burg bandës së diamanteve në Gjermani, dënohen grabitësit e muzeut të Dresdenit

KOMENTE

SHPERNDAJE
ARTIKULLIN

Text sizeAa Aa

Të paktën 5 persona janë shpallur fajtorë të martën nga gjykata e Dresdenit, për atë që konsiderohet si vjedhja më e guximshme e bizhuterive në historinë e Gjermanisë.

- Advertisement -

Ngjarja ndodhi në nëntor të vitit 2019, kur të pandehurit, anëtarë të një klani kriminal me baza familjare nga Berlini, grabitën objekte me vlerë 113 milionë euro nga muzeu i qytetit.

Sipas autoriteteve gjermane, grabitja ishte planifikuar deri në detajin më të vogël, me autorët që përdorën një makinë hidraulike për të prerë hekurat mbrojtës të një prej dritareve të godinës.

Më pas, ata i vunë zjarrin një paneli qarqesh elektronike, duke lënë në terr të gjithë zonën dhe hynë brenda në muze.

Të veshur me maska dhe të pajisur me sëpata, ata thyen xhamat që mbronin sendet me vlerë dhe pasi i mblodhën ato u larguan me një makinë tip “Audi”, të cilën e dogjën para se të ktheheshin në Berlin.

Pas një hetimi të gjatë një vit policia gjermane kreu arrestimet e para dhe rikuperoi shumicën e objekteve të vjedhura, përfshirë një diamant të vendosur në një shpatë, por druhet se pjesa e mbetur e thesarit nuk do të gjendet kurrë më.

Të dënuarit janë pjesë e grupit “Remmo”, një prej klaneve të shumta me baza familjare me preardhje arabe që ndodhen në Gjermani dhe që janë përgjegjëse për pjesën më të madhe të krimit të organizuar në vend.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?