“Burri është ushtar”, Trump preket nga gazetarja ukrainase, premton sisteme patriot

Gjatë samitit të NATO-s në Hagë, pati një shkëmbim emocional mes Presidentit të SHBA-së, Donald Trump, dhe një gazetareje të BBC News Ukraina, e cila i tregoi presidentit se bashkëshorti i saj është aktualisht ushtar në vijën e frontit në Ukrainë.

Gazetarja e pyeti presidentin amerikan nëse Shtetet e Bashkuara janë të gatshme t’i shesin sisteme raketore kundërajrore Patriot Ukrainës, përballë sulmeve të vazhdueshme ruse.

Në nisje të përgjigjies, Trump i drejtohet gazetares: “Nga jeni ju?”

Gazetarja: “Jam nga Ukraina. Burri im është atje, unë jam në Varshavë me fëmijët.”

Trump: “Është një situatë e vështirë, apo jo? Dhe jeni gazetare?”

Gazetarja: Po.

Më tej, Trump u përgjigj për çështjen e raketave:

“Ukraina dëshiron të marrë sistemet Patriot. Ne do të shohim nëse mund të vëmë disa në dispozicion. Janë shumë të vështira për t’u siguruar. Edhe ne kemi nevojë për to,” tha ai. “Ne i kemi furnizuar për Izraelin dhe janë shumë efektive – 100 për qind efektive. Dhe ukrainasit i duan më shumë se çdo gjë tjetër.”

Presidenti amerikan përfundon duke e cilësuar si një pyetje shumë të mirë.

“Ishte një pyetje shumë e mirë. Ju uroj shumë fat. Shoh që kjo gjë ju prek vërtet. Prandaj, dërgojini një përshëndetje burrit tuaj, mirë?”.

Gazetarja ukrainase me burrin ushtar prek rrjetin, e emocionuar dhe me zë të dredhur i bën Trump pyetjen e vështirë! Presidenti: Bëji të fala burrit! pic.twitter.com/InkMauFVo4

— Euronews Albania (@EuronewsAlbania) June 25, 2025

LEXONI GJITHASHTU:

• Trump për Putinin: Mund të ketë ambicie përtej territorit të Ukrainës
• Samiti i NATO-s/ Trump: Mendojmë se lufta ka mbaruar, rruga drejt paqes është hapur