Busti 1800-vjeçar nga epoka e perandorit romak Hadrian gjendet në Turqi

Arkeologët kanë gjetur në Turqi një bust 1800 vjeçar nga epoka e perandorit romak Hadrian, raportojnë sot mediat turke.

Busti u zbulua pranë hyrjes perëndimore të amfiteatrit në qytetin antik të Prusias ad Hippium, në provincën Duzce të Turqisë, thanë autoritetet lokale, raporton Anadolu Agency.

Busti është rreth 56 centimetra i lartë dhe 50 centimetra i gjerë dhe paraqet një burrë me flokë kaçurrela dhe mjekër, i veshur me një mantel mbi supe.

Ekspertët besojnë se busti paraqet M. Julius Proklos, një prift perandorak që ishte në shërbim të perandorit Hadrian, i cili dihet se kishte porositur ndërtimin e amfiteatrit.