“Butrinti është Shqipëri, jo Greqi”, Britania e Madhe korrigjon gabimin

Muzeu britanik ka shfaqur një koleksion të vjetër monedhash nga Butrinti, “Buthrotum” duke sqaruar se Butrinti është në Greqi, “Buthrotum Epirus Greece”.

Anëtari i këshillit shkencor të UNESCO-s, Auron Tare bëri me dije përmes një njoftimi në Facebook se pas letrës që ai i dërgoi muzeut, gabimi u korrigjua në “Buthrotum Epirus Albania”.

“Jam i lumtur të njoftoj vendimin e sotëm të Muzeut Britanik për të ndryshuar emrin e vendndodhjes së Butrintit nga Buthrotum Epirus Greece në Buthrotum Epirus Albania. Muzeu britanik reagoi shpejt pas një letre që i dërgova Drejtorit të Përgjithshëm mbi saktësinë e terminologjisë së përdorur për të përshkruar Butrintin si qytet grek,” – shkruan Tare.

Muzeu Britanik është krijuar në 1753 dhe është një muze publik kushtuar historisë njerëzore, artit dhe kulturës, i vendosur në Londër.

LEXONI GJITHASHTU:

• Atë që nuk e bëri bashkia, e bën mësuesi në Pustec: Ndërton me forcat e veta muzeun
• “Muzeu i gruas” në Tiranë, gjithçka që përshkruan gruan nga antikiteti