Caktohet gjyqtarja që do shqyrtojë kërkesën e Berishës për përjashtimin e Gjokës

Kërkesa e avokatëve të Sali Berishës për përjashtimin e gjyqtares Irena Gjoka do të shqyrtohet nga gjyqtarja Rudina Palloi, e cila është përcaktuar me short.

Seanca e sotme në GJKKO për caktimin e masës së sigurisë për Berishën u shty pasi avokatët e tij, Genc Gjokutaj dhe Sokol Mëngjesi kërkuan më shumë kohë për t’u njohur me parashtrimet.

Gjithashtu, ata kërkuan dhe përjashtimin e gjyqtares Irena Gjoka.

Për gjyqtaren vetë Sali Berisha është shprehur se ajo është në konflikt interesi, pasi ajo është shkarkuar nga detyra në kohën kur Sali Berisha mbante detyrën e Presidentit të Republikës së Shqipërisë e njëkohësisht edhe detyrën e kryetarit të Këshillit të lartë të drejtësisë.

LEXONI GJITHASHTU:

• A mund ta kryejë masën e arresit në seli të PD? Avokati: Berisha do arrestohej nëse…
• Berisha: Rama kërkon të arrestojë liderin e opozitës, si Putin Navalnyn