“Camp Nou” pret finalen e parakohshme, Barcelona përballet me Manchester United

Barcelona, Manchester United, Juventus dhe Roma zbresin në fushë mbrëmjen e sotme, ndërkohë që Europa League premton disa përballje interesante.

Plot 8 sfida luhen në Europa League me nisje në orën 18:45, teksa sytë janë drejt “Camp Nou”, aty ku luhet një finale e parakohshme.

Djajtë e kuq vijnë me 8 mungesa kryesore, ndërsa katalanasit nuk kanë në dispozicion kapitenin Buskets dhe sulmuesin francez Dembele.

I eleminuar nga Champions League, dhe i dënuar në kampionat, Juventusi synon suksesin në Europa League si biletën e vetme në sezonin e ri. Mbrëmjen e së enjtes pret në shtëpi skuadrën e Nantes.

Me interes pritet dhe përballja Salzburg-Roma, ku të besuarit e Jose Mourinhos synojnë kalimin në fazën çerekfinale. Përballja pritet të jetë jo e lehtë për kryeqytetasit, tashmë me disa ndryshime pas merkatos së janarit.

Skuadra tjetër e kryeqytetit Italian, Lazio luan në kompeticionin e tretë për klube në Evropë, në Conference League ku pret në shtëpi Kluzhin. Së bashku me Fiorentinën bëjnë dyshen favorite për t’i shkuar deri në fund kompeticionit.

LEXONI GJITHASHTU

• Manchester City merr kreun, fiton ndaj Arsenalit në “Emirates”
• Dortmundi surprizon Chelsea-n, kualifikimi vendoset në Londër
• Skandali në Spanjë | Barcelona i dha mbi 1 mln euro zv.presidentit të arbitrave