Çeka: Do kemi të gjithë pasaporta të huaja, por Shqipëria ende pa anëtarësuar në BE

Analisti Blendi Çeka është shprehur se nëse vijojnë këto ritme të emigracionit, shqiptarët do të jenë të gjithë qytetarë të BE-së dhe me pasaporta të huaja, por Shqipëria ende nuk do të jetë anëtarësuar në union.

Komentet Çeka i bëri në “Euronews Albania” ku foli për gjetjet e “Barometrit” mbi optimizmin e shqiptarëve për anëtarësimin e vendit në BE.

“Ne mund të kemi problem me partitë gjatë këtyre viteve, por asnjë parti nuk ka qenë anti-BE. Për 10-15 vite nëse vijojnë këto ritme emigrimi, shqiptarët do të jenë qytetarë të BE me pasaporta, por vendi akoma nuk do të jetë anëtarësuar, është paradoks i paimagjinueshëm.

Përdorim standarte të dyfishta, vijm nga një vend i izoluar dhe tranzicioni për ne ka qenë dramatikë, sidomos për dekadën e parë. Fëmija ka parë si babai ndërron emrin dhe mbiemrin në emigrim, që të jetë më i pranuar.

Ka qenë turp. Të zhvendosur nga 90 deri sot ka një zhvendosje shumë pozivite. Ata që kanë lindur pas viteve 2000 janë shumë më rehat me origjinën e tyre”, është shprehur Çeka.

LEXONI GJITHASHTU:

• Vendet mike dhe armike për shqiptarët, Barometri publikon listën
• Izrael-Palestinë, si pozicionohen shqiptarët për konfliktin? E zbulon Barometri