Çeka shpjegon: Pse vota e diasporës është kyçe për politikën shqiptare!

Blendi Çeka nga Data Centrum tregoi në emisionin Barometri në Euronews Albania rëndësinë e votës së diasporës në zgjedhjet e përgjithshme të 11 majit.

Ai u shpreh se janë rreth 1.8 mln votues shqiptarë jashtë vendit, por numri i atyre që pritet të regjistrohen, nga praktika e vendeve të tjera që e kanë implemetuar për herë të parë pritet të jetë i vogël.

“45-46 % e votuesve shqiptarë janë jashtë vendit, kemi një nga diasporat më të mëdha në botë. Asnjë nga ne nuk e di çfarë do ndodhë në 11 maj, nga 1,8 mln votues, sa do regjistrohen.

Eksperienca e vendeve të ndryshme kur hedhin një praktikë të re pjesëmarrja është shumë e ulët, edhe në vende të tjera, pas disa vitesh rritet edhe numri. Numri është politik si e dhënë, sa më i madh numri aq më i madh impakti në zgjedhje. Elementi i dytë është, ku do regjistrohen, që është sipas qarqeve; a do jetë regjistrimin nëpër qarqe, pra më shumë në Tiranë pastaj në Fier, apo do kemi një sjellje të ndryshme. Kjo tregon dy qasje; qasja e parë është spontane dhe e dyta është puna e partive”, tha Çeka.