Me moton “Të lexosh do të thotë: të jetosh, të zbulosh, të rritesh” hapi siparin në Pallatin e Kongreseve” Panairi i 27-të i Librit, një nga ngjarjet më të mëdha për kulturën dhe letërsinë shqiptare.

90 shtëpi botuese kanë hapur stendat për këtë edicion dhe do të presin lexuesit deri më datën 17 nëntor.

Gjatë këtyre ditëve publiku mund të vizitojë stendat e shtëpive botuese, të takohet me shkrimtarët e përkthyesit, të blejë botime me çmim të reduktuar por edhe të marrë pjesë në aktivitetet promovuese

Në ceremoninë e hapjes të këtij eventi e pranishme ishte dhe Ministrja e Arsimit dhe Sportit, Ogerta Manastirliu

Ndërkohë Persida Asllani tregoi per Euroneës Albania se sa ndikon panairi i librit në promovimin e librave.

Sakaq mes qindra titujsh që do ekspozohen në këtë panair, shkrimtari Edmond Tupja, sjell për lexuesin veprën “Çadrat”

Siç është bërë dhe traditë tashmë, një juri nga profesionistë si Anisa Ymeri, Ben Andoni, Ilir Baçi, Ledia Dushi dhe Lili Sula do të ndajnë dhe çmimet e Panairit për veprat më të mira të vitit 2024. Çmimet do të jepen për përkthyesin më të mirë, autorin më të mirë, librin më të mirë për fëmijët si dhe librin më të mirë studimor.

LEXONI GJITHASHTU:

• Mbahet panairi më i madh shqiptar “Global Albanian Gastronomy Festival” në Berlin
• Etno Fest Saranda, panairi bën bashkë artizanë të disa krahinave shqipfolëse