Çelet ekspozita grafike në Fier, vajzat e Mustafa Arapit vazhdojnë traditën

Në kuadër të veprimtarive për festat e Nëntorit, në Galerinë e Artit në qytetin e Fierit u çel ekspozita grafike me vepra të artistit Mustafa Arapi si edhe të dy vajzave të tij që vijojnë këtë tradite.

Në 39 veprat e ekspozuara vihet re një krijimtari artistike e larmishme dhe cilësore, ku grafika artistike shfaqet në një dimension të plotë.

Kuratori i ekspozitës Arben Koliçi thotë se qëllimi primar në këtë paraqitje është të kthehet vëmendja tek ky lloj zhanri artistik, që është mjaft i vlerësuar edhe në botë.

Veprat e Mustafa Arapit, i larguar nga jeta, qëndrojnë në harmoni të plotë me krijimtarinë artistike të dy vajzave Dorina dhe Holta të cilat kanë trashëguar krahas njohurive, dashurinë për artin.

Ekspozita u ndoq me interes nga artistë, qytetarë dhe përfaqësues të institucioneve vendore.

LEXONI GJITHASHTU:

• “Tashmë po fluturoj…”, vokalisti i grupit R.E.M përgatit ekspozitën e veçantë
• Billa, feston ditëlindjen me hapjen e showroomit të ri. Ekspozita më e madhe në Jug