Kryekomisioneri Shtetëror i Zgjedhjeve, Ilirjan Celibashi deklaroi se informimi i qytetarëve, në lidhje me votimin për Këshillin Bashkiak, nuk është detyrë e Komisionit Qendror të Zgjedhjeve (KQZ).

Në emisionin “Barometri” në Euronews Albania, Celibashi u shpreh se për informimin e zgjedhësve, rol ka shoqëria, por edhe vetë partitë politike.

Sipas tij, KQZ informon në lidhje me aspektin teknik të procesit zgjedhor.

“Lidhur me këtë aspekt të zgjedhjeve, mendoj që këtu nuk është një rol kryesor apo parësor i KQZ, por një rol i gjithë shoqërisë, i vetë partive politike.

Kryesisht, fokusi i fushatës së formimit dhe edukimit nga ana e KQZ, është aspekti teknik i procesit zgjedhor,” theksoi ai.

LEXONI GJITHASHTU

• Gerta Meta: Në zonat rurale votojnë burrat për gratë
• E dinë shqiptarët si votojnë? Celibashi: Pse sondazhet e Barometrit i shërbejnë KQZ
• Zgjedhjet e 14 majit, KQZ vendos votim dhe numërim elektronik në 3 bashki