E dinë shqiptarët si votojnë? Celibashi: Pse sondazhet e Barometrit i shërbejnë KQZ

Kryekomisioneri Shtetëror i Zgjedhjeve, Ilirjan Celibashi thotë se sondazhet e “Barometrit” në Euronews Albania, lidhur me faktin se a dinë shqiptarët si do votojnë në zgjedhjet lokale, i shërben edhe KQZ-së, për të përcaktuar target grupin, në kuadër të fushatës së edukimit dhe të informimit për zgjedhjet.

Në emisonin “Barometri”, Celibashi u shpreh se të dhënat e fundit janë shqetësuese.

“I kam ndjekur përmes Barometrit dhe duhet ta pranoj se janë shqetësuese si shifra, pasi nëse në total llogarisim që gati 45% e votuesve nuk e dinë se me sa fletë votimi votohet në këto zgjedhje. Numri i atyre që e dinë që votohet me dy fletë votimi, është 56.7%. Pjesa tjetër, ose nuk e di, ose e di gabim, pra për këtë grup mungon informacioni.

Në fakt, kjo është një ndihmesë për ne, sondazhet e Barometrit, për ne si institucion, pasi na jep mundësi që të kuptojmë se ku duhet të jetë target grupi i KQZ-së, në kuadër të fushatës së edukimit dhe të informimit”, theksoi ai.

LEXONI GJITHASHTU

• Zgjedhjet e 14 majit, KQZ vendos votim dhe numërim elektronik në 3 bashki
• A do të ndërhyjë krimi në Elbasan? Gazetarja zbërthen; skemën e re të KQZ-së
• Zgjedhjet e 14 majit, Alibeaj dhe Berisha përplasen në KQZ për komisionerët