Një tjetër betejë mes Enkeled Alibeajt dhe Sali Berishes pritet të zhvillohet sërish në KQZ. Një ditë më parë sekretari i përgjithshëm i PD, Gazment Bardhi dorëzoi listën e plotë të anëtarëve dhe sekretarëve të KZAZ për zgjedhjet vendore të 14 majit.
Më herët edhe Partia Demokratike e drejtuar nga Sali Berisha dorëzoi në KQZ listën me komionerët e KZAZ-ve për zgjedhjet e 14 majit. Kjo lëvizje e Berishës erdhi pak ditë pasi komisioneri Ilirjan Celibashi theksoi se ai do të njohë si përfaqësues të PD-së vetëm atë që do të njohë Gjykata.
Kërkesat në KQZ i depozituan edhe Partia Socialiste dhe Partia e Lirisë.
Sipas shortit të hedhur në KQZ komisionet Zonale të Administrimit Zgjedhor me numër çift do t’i drejtojë Partia Socialiste, dhe ato me numër tek Partia Demokratike. Ndërkohë anëtarët e KZAZ-ve do të ndahen 2 PS, 2 PD, 1 PSD dhe 1 anëtar nga Partia e Lirisë.
Data 6 mars është afati i fundit kur partitë dhe koalicionet zgjedhore mund të regjistrohen për të marrë pjesë në zgjedhjet lokale të 14 majit.
LEXONI GJITHASHTU: