Çelja e fushatës/ Rama dhe Berisha nisin takimet me diasporën në Itali

Kryeministri Edi Rama dhe lideri i Partisë Demokratike, Sali Berisha, kanë nisur takimet me diasporën shqiptare në Itali, pas çeljes së fushatës për zgjedhjet parlamentare të 11 majit.

Të dy liderët politikë kanë vendosur të zhvillojnë aktivitete të veçanta për të mobilizuar mbështetje përkatëse për fushatat e tyre.

Rama ka udhëtuar drejt Milanos, ku ka planifikuar një takim me shqiptarët e diasporës. Përmes një postimi në Facebook, ai ka ndarë informacionin për datën, orën dhe vendin e takimit me komunitetin shqiptar atje, duke theksuar rëndësinë e këtij bashkëbisedimi për të ndarë planet e tij për të ardhmen e Shqipërisë.

Nga ana tjetër, Sali Berisha, i cili është gjithashtu në Itali, do të jetë në Brescia për një tjetër takim me diasporën. Ky takim është pjesë e turit të tij me shqiptarët jashtë vendit dhe një mundësi për të prezantuar programin e PD për zgjedhjet e ardhshme. Berisha mund të jetë shoqëruar edhe nga Chris LaCivita, këshilltari i fushatës së PD.

LEXONI GJITHASHTU:

• LaCivita strategu i këtyre zgjedhjeve? Xhaferri zbardh rolin e këshilltarit amerikan
• Kush është miu? Rama i përgjigjet LaCivitës: Bravo që gjen budallenj që të paguajnë