“Çerçiz Topulli më thonë…”/ Përkujtohet 116-vjetori i luftës së Mashkullorës
Në fshatin Mashkullorë të Gjirokastrës është përkujtuar 116-vjetori i Luftës së Mashkullorës, një prej ngjarjeve të rëndësishme historike të çetës patriotike të atdhetarit Çerçiz Topulli në prag të Shpalljes së Pavarësisë.
Banorë të zonës, historinë, përfaqësues të pushtetit vendor vlerësuan vendin që ka kjo betejë në kontributin atdhetar dhe patriotik të zonës së Gjirokastrës.
“Lufta e 18 Marsit të vitit 1908 ishte në vazhdën e luftërave që bënin atdhetarët shqiptarë për liri, në prag të shpalljes së Pavarësisë dhe në vazhdën e zinxhirit të luftrave që ishin bërë kryengritjet e tanzimatit, Lidhja Shqiptare e Prizrenit, ngritja e klubeve dhe shoqërive atdhetaro-patriotike dhe ishte në vazhdën e luftës për liri dhe pavarësi”-u shpreh Shyqyri Hysi, historian.
“Një datë historike jo vetëm për Gjirokastrën. Në gjithë kalendarin e aktiviteteve që planifikon Bashkia Gjirokastër gjithë datat historike zënë një vend të rëndësishëm, përtej faktit që duhet dhe institucionalisht ti përkujtojmë, ti festojmë si data të rëndësishme ku kanë të bëjnë me atë çfarë Gjirokastra është sot” –tha Flamur Golemi, kryetar i Bashkisë.
Një rol të veçantë në këtë ngjarje historike kanë pasur pjesëtarët e çetës patriotike të Çerçiz Topullit.
“Në këtë zinxhir të artë të historisë sonë bën pjesë edhe Lufta e Mashkullorës e shtatë luanëve të Shqipërisë, të cilët u përballën me rreth 200 ushtarë dhe oficerë turq në 18 Mars 1908”-nënvizoi Hysi.
Përgjatë këtij viti në Gjirokastër janë zhvilluar një sërë aktivitetesh në përkujtim dhe nderim të ngjarjeve dhe datave të rëndësishme historike.
LEXONI GJITHASHTU:
Shpëtohen pas tetë orësh operacion intensiv 4 turistët e bllokuar në Kanionet e Gjipesë
Iranianë në protestë, Softa: Shërbimi sekret do kishte ndërhyrë nëse do të shfaqnin rrezikshmëri
LIVE- Dita e 29-të e protestës, qytetarët nisin marshimin në rrugët e Tiranës
- 07:59 SHBA dhe Irani bien dakord të ndalojnë sulmet dhe të takohen në Katar
- 07:58 Numri i të vdekurve nga tërmeti në Venezuelë rritet në 1,450, mbi 50 mijë të zhdukur
- 07:53 Trajneri i Koresë së Jugut jep dorëheqjen pas eliminimit nga Kupa e Botës
- 07:50 Koreja e Veriut dënon stërvitjen e përbashkët ushtarake SHBA-Japoni
- 07:34 Shpëtohen pas tetë orësh operacion intensiv 4 turistët e bllokuar në Kanionet e Gjipesë
- 07:06 Begaj takohet me homologun polak: Integrimi i Shqipërisë në BE është domosdoshmëri gjeopolitike