Çmimet, Shqipëria barazon BE- në, inflacioni në zonën euro 2.8%
Çmimet në Europë janë stabilizuar këtë fillim vit, ku inflacioni mesatar ka zbritur në 2.8%. Në matjet e muajit shkurt, edhe Shqipëria ka regjistruar të njëjtin normë, në ndryshimin vjetor te të gjitha produkteve.
Në muajin shkurt çmimet në vend janë rritur me të njëjtin ritëm si në vendet e Bashkimit Evropian. Sipas raportit të INSTAT, inflacioni i matur me metodën e Eurostat në muajin shkurt ishte 2.8%, po aq sa ishte edhe mesatarja e BE-së.
Në vendin tonë, gjatë muajit të kaluar, rritja më e madhe e çmimeve është regjistruar tek argëtimi e kultura me 6%, ndjekur nga mobiljet me 4.1%.
Ndërkohë, ushqimet, të cilat zënë edhe peshën më të madhe të shpenzimeve, janë shtrenjtuar 2.4%. Krahasuar me shkurtin e vitit 2023 i vetmi grup me rënie çmimesh ka qenë transporti me -1.2%.
Duke parë të gjithë shtetet e Unionit, inflacioni më i ulët është regjistruar në Danimarkë e Lituani, 0.6%, ndërsa më i larti në Kroaci dhe Rumani, përkatësisht 4.8 dhe 7.1%. Ndërkohë, në rajonin tonë, Serbia ka shënuar rritje vjetore të çmimeve në shkallën 5.7%, ndjekur nga Mali i Zi, 4.9% në Malin e Zi dhe Maqedonia e Veriut 3.9%.
Inflacioni në rajon
Shkurt 2024
- Serbia 5.7%
- Mali i Zi 4.9%
- Maqedonia e Veriut 3.9%
- Shqipëria 2.8%
- Bosnje Herzegovina 2.4%
- Kosova 2.2%
LEXONI GJITHASHTU:
Protestat në Tiranë, Gjyli: Mendimi ndryshe po përballet me linçim në rrjete sociale
Analisti Lita: Protestat në Tiranë do të vazhdojnë deri në mbylljen e tranzicionit
E rëndë në Kavajë, u godit me thikë nga vëllai, humb jetën një person
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve