Mbrëmjen e sotme luhen çerekfinalet e Ligës së Kombeve, ku në fushë zbresin 8 kombëtaret më të forta të Evropës. Kampionët në fuqi të kontinentit të vjetër përballen me Holandën në transfertë.
Spektakël pritet të prodhojë secila prej çerekfinaleve të Ligës së Kombeve, ku mbrëmjen e kësaj të enjteje zbresin në fushë 8 kombëtaret më të forta të kontinentit të vjetër. Kampionët në fuqi, Spanja, do të përballen me Holandën në transfertë, ndërsa cilësohen favoritë për të kaluar më tej, megjithëse ndeshjet luhen me sistem vajtje-ardhje.
Një duel tjetër interesant është Kroaci-Francë, një përsëritje e finales së Kupës së Botës 2018, atje ku “gjelat” triumfuan dhe ngritën lart trofeun. Skuadrat kanë ndryshuar shumë prej atij momenti, ndërsa kompeticioni nuk është i atyre përmasave. Ndeshja e fundit mes tyre në Ligën e Kombeve është fituar nga ballkanasit.
Itali-Gjermani dhe Danimarkë-Portugali janë dy çerekfinalet e tjera të Nations League, ku padyshim dhe ato priten me shumë interes. Duelet italo-gjermane gjithmonë kanë marrë vëmendje, kjo për shkak të rivalitetit, që po ashtu nuk do të mungojë as këtë herë. Në 2022-in, “panzerat” e mposhtën Italinë 5-2, që është dhe dueli i fundit mes tyre.
Sa i përket Danimarkë-Portugali, ato nuk janë ndeshur me njëra-tjetrën që prej një dekade.
LEXONI GJITHASHTU:
- Hoxha dhe Shehu: Ndeshja ndaj Anglisë e vështirë, por do të japim maksimumin
- Ish-futbollisti i Kombëtares, Alliu: Kush e zëvendëson Mario Mitajn ndaj Anglisë
