SPAK ka zhvilluar këtë të enjte një ceremoni për 5-vjetorin e krijimit të kë këtij institucioni.

Në pesë vite funksionimi, SPAK ka luajtur një rol kyç në luftën kundër korrupsionit dhe krimit të organizuar.

Gjatë kësaj periudhe, institucioni ka hetuar dhe çuar përpara drejtësisë një numër të konsiderueshëm zyrtarësh dhe ish-zyrtarësh të lartë, përfshirë ish-kryeministra, ministra, deputetë dhe kryetarë bashkish, duke shkaktuar reagime të forta politike.

Kreu i SPAK, Altin Dumani tha në fjalën e tij të mbajtur gjatë ceremonisë së me punën e bërë Prokuroria e Posaçme i ka dhënë një mesazh të qartë organizatave të krimit të organizuar atë që “drejtësia nuk njeh anë dhe askush nuk është i paprekshëm”.

“Ne kemi dhënë një mesazh të qartë se drejtësia nuk njeh anë e kah dhe se nuk ka të paprekshëm, nëse ligjet e këtij vendi, cenohen, shkelen apo nëpërkëmben. Ne kemi forcuar bashkëpunimin institucional në agjencitë ligjzbatuese vendesh të huaja.

Shpreh mirënjohjen time për bashkëpunimin me prokuroritë e juridiksionit të përgjithshëm, për bashkëpunimin me Policinë e Shtetit, Shërbimin Informative Shtetëror, Kontrollin E Lartë Të Shtetit. Gjithashtu më lejoni të falënderoj Këshillin E Lartë Të Prokurorisë për kujdesin e treguar në raport me përmbushjen e kërkesave për plotësimin e organikës së Prokurorisë së Posaçme si edhe mbrojtjen e institucionit sa herë ka qenë e nevojshme”,-tha Altin Dumani.

LEXONI GJTHASHTU:

• Misteri i jetës së Parashqevi Simakut, letra shpjeguese e ish-bashkëshortit
• SPAK mbush 5 vite, zyrtari i lartë amerikan i pranishëm në Tiranë për ceremoninë