Në Gjykatën e Apelit në Tiranë është shtyrë sërish seanca ndaj deputetit Ervin Salianji, i akuzuar për çështjen Babale.
“Sot në datë 19.12.2022, ora 13:00, në Gjykatën e Apelit Tiranë, është planifikuar për t’u gjykuar çështja penale me të pandehur Ervin Salianji. Për arsye të mosformimit të trupit gjykues, gjykimi i çështjes nuk do të mund të vijojë”, thuhet në njoftim.
Salianji u shpall fajtor për veprën penale ‘kallëzim i rremë’ në lidhje me çështjen “Babale”, ku u dënua nga gjykata e Shkallës së Parë me 1 vit burg.
Në Apel e ka çuar çështjen dhe gazetari Jetmir Olldashi, i cili u dënua me 6 muaj burg të konvertuar në 100 orë shërbim komuniteti.
Nëse Apeli do të konfirmojë vendimin e Shkallës së Parë, deputeti Salianji, rrezikon burgun.
LEXONI GJITHASHTU:
- Çështja Babale, shtyhet për herë të katërt seanca ndaj deputetit Salianji
- “Mendon se më kërcënon me një gjyq”, Salianji: Rama ka frikë nga protesta
- E rikthyen në qeli ish-deputetin, avokati i Alqi Bllakos: Rekurs në Gjykatë të Lartë