“Mendon se më kërcënon me një gjyq”, Salianji: Rama ka frikë nga protesta

Deputeti Ervin Salianji pas daljes nga Kuvendi ka dhënë një deklaratë për mediat ku komentoi dhe deklaratën e kryeministrit Edi Rama e cila iu drejtua opozitës duke thënë se është mallkimi i vendit.

Salianji tha se Rama e kërcënoi duke i përmendur procesin gjyqësor, ndërsa theksoi se vetëm 20 minuta pas fjalës së kreut të qeverisë i ka ardhur një njoftim nga Gjykata e Apelit.

Më tej ai tha se kryeministri ka frikë nga protesta e 12 nëntorit.

“Rama ditën që duhej të kujdesej për qytetarët u kujdes për mega aferë, ku bashkë me oligarkë kërkon të marrë mijëra metra katrorë tokë. E dëgjua Ramën me një gjuhë prej rrugaçi ordiner ju drejtua opozitës, pa diskutim me një gjuhë të papranueshme. Kryeministri nga foltorja mendon se më kërcënon me një proces gjyqësor që e ka hapur vetë dhe duket se kujdeset vetë për të sepse e dinte se edhe sot kisha proces.

Vetëm 20 minuta pasi Rama bëri këtë kërcënim, Gjykata e Apelit më solli një njoftim. Nuk ka gjë që më kërcënon që të tërhiqem për të mbrojtur të drejtën. Rama mendon se është me ata që ka rreth e rrotull. Shqetësimi kryesor i Ramës është protesta e 12 nëntorit”- tha ai.

LEXONI GJITHASHTU: 

• E rikthyen në qeli ish-deputetin, avokati i Alqi Bllakos: Rekurs në Gjykatë të Lartë
• A do futen protestuesit në Kryeministri? Berisha tregon skenarin për 12 nëntorin