E rikthyen në qeli ish-deputetin, avokati i Alqi Bllakos: Rekurs në Gjykatë të Lartë

Sokol Azizaj, avokati i ish-deputetit të PS-së, Alqi Bllako u shpreh gjatë një komunikimi për mediat  se nuk ka akoma në dorë arsyetimet e Gjykatës së Posaçme të Apelit për vendimin e sotëm.

Azizaj nënvizoi se nuk priste që gjykata të rikthente në burg Bllakon, duke shtuar se në këto kushte masa ‘arrest me burg’ dhe ‘arrest shtëpie’ janë e njëjta gjë. Ai tha se këtë çështje do ta çojnë në Gjykatën e Lartë, duke bërë rekurs.

“Nuk e di se për cilat arsye, përkundër sjelljeve të Bllakos, që ka lënë mandatin e deputetit, të vendosej kjo masë. Është paraqitur para organeve të drejtësisë. Si mund të prishë provat kur hetimi ndaj kësaj çështje është duke përfunduar. Se mendoj se kishte arsye që gjykata e Posaçme e Apelit të mbante qëndrim ndryshe. E vërteta është se në këtë vend, në këtë gjykatë është kthyer një fabul popullore, ik se të vrara, dhe zbrit se të vrava. Gjykata e Apelit mbajti qëndrim të cilin se ka arsyetuar akoma. Bllako u lirua më herët se nuk përbente rrezik për prishjen e provave. Ajo që nuk kuptoj është se ‘arresti me shtëpi’ dhe ‘arresti në burg’ janë e njëjta gjë. Bllako erdhi vetë në gjykatë se nuk përbën rrezik. Bllako në rastin konkret nën hetim, nuk është person i zgjedhur, referenca ndaj tij është e gabuar. Do bëjmë rekurs në Gjykatën e Lartë”, u shpreh ai.

Mëngjesin e sotëm, Gjykata e Posaçme e Apelit riktheu në qeli ish-deputetin e Partisë Socialiste Alqi Bllako të akuzuar për aferën e inceneratorëve.

Bllako nga kjo e mërkurë, rreth 1 muaj pasi ndryshoi masa e sigurisë nga “arrest me burg” në “arrest shtepie”, do të qëndrojë në qeli, pas ankimit të bërë nga SPAK me akuzat për korrupsion me inceneratorin e Fierit.

Alqi Bllako dhe ish-ministri i Mjedisit Lefter Koka dyshohet se kanë falsifikuar dokumentin për llojin e tokës ku do të ndërtohej inceneratori i Fierit.

SPAK ka provuar se ajo është ndërtuar në tokë arë, vlera e së cilës është më e lirë. Ky falsifikim i ka sjellë buxhetit të shtetit një dëm prej rreth 140 mijë eurosh.

LEXONI GJITHASHTU:

• Apeli i GJKKO-së rikthen në qeli ish-deputetin Alqi Bllako
• Alqi Bllako paraqitet në GJKKO, shqyrtohet ankimimi i SPAK për lirimin e tij
• Më 9 nëntor Apeli i GJKKO-së shqyrton ankimimin e SPAK për lirimin e Alqi Bllakos