Çështja e lobimit të PD, Rroji: Hetimi i mbyllur në Shqipëri, çfarë po ndodh në SHBA

Studiuesi Grid Rroji, tha në një intervistë për emisionin Review në Euronews Albania se çështja e lobimit të Partisë Demokratike është një hetim i mbyllur në Shqipëri, ndërsa në SHBA gjykimi vijon sepse nuk dihet çfarë të dhënash ka në dispozicion.

BBC publikoi të martën një investigim të gjatë në lidhje me mënyrën si rrethi i ngushtë i Vladimir Putin ka përdorur kompani të ndryshme “guaskë”, për të fshehur pronarët, për të marrë pagesa të paligjshme dhe për të depërtuar në ekonominë britanike.

“Shkrimi na ka thënë ujku, ne po themi gjurmët. Është pak problematike sepse problemi kryesor që shprehet në atë shkrim është se Rusia ka ndikuar drejtpërdrejt në hapësirën zgjedhore shqiptare. Ne duhet të diskutojmë a është kjo e vetmja herë, e para herë, a ka politikanë të tjerë të përfshirë,” – u shpreh Rroji.

Pjesë e investigimit përmendet dhe lobimi i Partisë Demokratike në SHBA në vitin 2017.

BBC shkruan se dyshohet se kryedemokrati Basha ka lobuar për të pasur një foto me ish-presidentin amerikan, Donald Trump.