Çështja e pensioneve, ambasadorja greke: Do kemi takime në nivel ekspertësh

Ambasadorja greke në Shqipëri, Kostantina Kamitsi tha për Euronews Albania se pritet të zhvillohet një takim ekspertësh për të diskutuar rreth pensioneve të emigrantëve shqiptarë të cilët kanë punuar në shtetin Grek në mënyrë të ligjshme.

Sipas saj Greqia e mirëkupton kërkesën e njohjeve të viteve të punës për këta emigrantë ndaj kërkesa e tyre do të trajtohet.

“Greqia e  mirëkupton kërkesën e njohjeve të vite ve të punës së emigrantëve shqiptarë që punuan në mënyrë të ligjshme në Greqi, një kërkesë  kjo e cila duhet të trajtohet. Takimet e para teknike dy palëshe të ekspertëve  u zhvilluan në shtator të vitit 2022.

Nga informacionet që unë kam mund të them se së shpejti brenda këtij  viti do të zhvillohet një takim mes ekspertësh nga të dyja palët për çështjen në fjalë”,-tha për Euronews Albania ambasadorja greke.

LEXONI GJITHASHTU:

• Sherri me thika në Laprakë, kush është 40-vjeçari që plagosi 3 persona (EMRI)
• Gjyqi ndaj ish-krerëve të UÇK, pyetja e dëshmitarëve do fillojë më 11 prill
• “Si gjithmonë pas meje”- Berisha njofton hapjen e podcast-it dhe “thumbon” Ramën