Çështja McGonigal, Salianji i drejtohet SPAK: Duhet të ketë një hetim të plotë

Deputeti i Partisë Demokratike iu drejtua këtë të premte me një shkresë zyrtare SPAK-ut, por dhe institucioneve të tjera të rëndësishme në vend si SHISH, apo Ministria e Brendshme për të dhënë informacion në lidhje me implikimin e kryeministrit Rama në “çështjen McGonigal”.

Përmes një deklarate nga selia e Kuvendit, Salianji i bëri thirrje që SPAK të hetojë në lidhje me takimet e fshehta të kryeministrit Rama, me ish-zyrtarin e lartë të FBI-së.

“Nisur nga mosreagimi i institucioneve shtetërore, sot si deputet, i kam dërguar këto shkresa SPAK, SHISH dhe ministrisë së Brendshme, me dy agjencitë në varësi të saj, Policisë dhe Inteligjencës së MB.

I kam dërguar shkresa si indicie për të nisur hetimet që ish zyrtari i lartë i FBI do dalë në gjyq dhe do pyetet nëse i pranon që ka marrë para nga një ish punonjës i shërbimeve inteligjente shqiptare. Ky zyrtar mbulonte dhe Shqipërinë dhe akuzohet se ka marrë 225 mijë dollarë nga ish zyrtari i shërbimeve sekrete shqiptare dhe ka zhvilluar një sërë takuimesh me politikanë në Shqipëri”, deklaroi Salianji.

LEXONI GJITHASHTU: 

• Ngjela: Rama ekstradohet nëse vërtetë ka lidhje me ish-agjentin e FBI-së McGonigal
• “Logjikë fshatari” Debat mes Ngjelës dhe moderatores: E mbyllim, me mua s’flet ashtu
• Berisha nuk pret vendimin e gjykatës, dërgon në KQZ emrat e sekretarëve të KZAZ-ve