Berisha nuk pret vendimin e gjykatës, dërgon në KQZ emrat e sekretarëve të KZAZ-ve

Sekretari i Përgjithshëm i Partisë Demokratike Flamur Noka i ka dërguar Komisionerit Shtetëror të Zgjedhjeve Ilirian Celibashi propozimin e anëtarëve dhe sekretarëve të KZAZ-ve për zgjedhjet vendore të 14 majit.

Ky veprim i Sekratarit të Përgjithshëm të PD-së vjen në një moment kur gjykata ende nuk ka dhënë një vendim në lidhje me vulën e Partisë Demokratike se kush mund ta përfaqësojë atë ligjërisht.

Pritet përgjigjja e Komisionit Shtetëror të Zgjedhjeve nëse emrat e depozituar prej Flamur Nokës do të regjistrohen si anëtarë apo sekretarë të KZAZ-ve.

“Në vijim të shkresës nr. 186 prot., datë 16.01.2023 si dhe bazuar mbi parashikimet e nenit 29 të Kodit Zgjedhor të Republikës së Shqipërisë, si dhe Vendimit nr. 06. dt. 09.01.2023 të Komisionerit Shtetëror të Zgjedhjeve ‘Për caktimin e partive politike që do të propozojnë anëtarët dhe sekretarët e Komisioneve të Zonave të Administrimit Zgjedhor për zgjedhjet për organet e Qeverisjes Vendore të datës 14 maj 2023″, lutem gjeni bashkëlidhur listën e plotë dhe dokumentacionin përkatës të komisionerëve dhe sekretarëve propozime të Partisë”, thuhet në shkresën drejtuar Celibashit.

LEXONI GJITHASHTU: 

• Pse nuk organizoni protesta për Ramën? Berisha: Shqipëria do marshojë në Tiranë
• Shfaqen në gjykatë pamjet e vrasjes së Santiago Malkos, e ëma shpërthen në lot
• Kremlini: SBBA e ka çelësin për t’i dhënë fund luftës në Ukrainë, por s’po e përdorë