Çfarë dihet nga atentati në Vlorë, lidhja e objektivit me “të fortin” e Vlorës

19 Dhjetor 2024 | 14:35

Vlora është tronditur mbrëmjen e së mërkurës, ku mbi 60 plumba kallashnikovi u zbrazën në një atentat mafioz në drejtim të objektivit Kevin Hajrulla në lagjen “24 Maji” të qytetit bregdetar. Si pasojë e breshërisë mbetën të plagosur 30-vjeçari Kevin Hajrulla dhe 35-vjeçari Armand Spahiu, i cili ishte tregtar ambulant i fruta-perimeve.

Menjëherë pas ngjarjes, Euronews Albania siguroi pamjet kur disa persona transportojnë në spital të plagosurin që ndodhej në automjetin e qëlluar me armë zjarri.

 

View this post on Instagram

 

A post shared by Euronews Albania (@euronews_albania)

Kevin Hajrulla, i cili nuk njihet si person me precedentë penalë, mori disa plumba në trup dhe gjendja e tij shëndetësore është në rrezik. Ndërsa i plagosuri tjetër, Armand Spahiu, u qëllua gabimisht nga autorët me një plumb në këmbë dhe ndodhet në spitalin e Vlorës jashtë rrezikut për jetën.

Pamjet e makinës së 30-vjeçarit tregojnë edhe egërsinë e sulmit.

Pak minuta pas ngjarjes, zona ku ndodhi krimi u mbush me oficerë të krimeve dhe ekspertë kriminalistikë, të cilët u munduan të mblidhnin të gjitha provat, përfshirë pamjet e kamerave të sigurisë që mund të hedhin dritë mbi itinerarin që kanë ndjekur autorët. Ngjarja pasoi me një informacion se në Panaja po digjej një automjet, i cili u verifikua se ishte i autorëve, të cilët kishin lënë pas edhe dy armë zjarri kallashnikov.

Në vendin e ngjarjes u mblodhën dhjetëra gëzhoja, ndërsa policia nisi shoqërimet për të marrë në pyetje persona në lidhje shoqërore me objektivin e atentatit. Sulmi terrorizoi edhe qytetarët në zonë.

Kevin Hajrulla është kushëriri i Inez Hajrullës, një personazh i njohur i botës së krimit, i cili i ka bërë ballë disa atentateve në Vlorë dhe njihet si pasuesi i perandorisë kriminale të Edison Harizajt, i mbetur i vrarë në një atentat në vitin 2018 në Durrës. Hetuesit ende nuk kanë të qartë pistën për këtë ngjarje, ndërkohë që mëngjesin e së enjtes, i plagosuri Hajrulla është transportuar me urgjencë për në spitalin e Traumës, ku ndodhet në rrezik për jetën.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq

Një punonjës policie u vra dhe një tjetër u plagos gjatë një operacioni për kapjen e një personi në kërkim prej vitesh në fshatin Podenë,...
08:50 | 04/06/2026

Vrasja e policit në Korçë, kush është autori dhe si hapi zjarr ndaj efektivëve pasi i pikasi

Një person në kërkim prej disa vitesh dyshohet se ka vrarë një efektiv policie dhe ka plagosur një tjetër gjatë një operacioni policor në fshatin...
08:35 | 04/06/2026

Vritet një polic gjatë një operacioni në Maliq, plagoset një tjetër

Një ngjarje e rëndë është regjistruar në zonën e Lozhanit, në Bashkinë e Maliqit, ku sipas informacioneve paraprake një efektiv policie ka humbur jetën dhe...
08:13 | 04/06/2026