Çfarë ka ndodhur në Ukrainë gjatë natës

Në ditën e pestë të pushtimit të Ukrainës, këto janë zhvillimet që janë raportuar gjatë natës në përballjen mes dy ushtrive.

• Pavarësisht se trupat ruse kanë zënë pozicione vetëm 30 km larg kryeqytetit, Kievi mbetet në duart e Ukrainës dhe qyteti ka hequr shtetrrethimin dyditor.
• Qyteti i Chernihiv në veri-lindje është përballur me bombardime të rënda nga trupat ruse gjatë natës, por mbetet në duart e Ukrainës
• Ministria e mbrojtjes e Rusisë ka pranuar se forcat e saj kanë pësuar humbje gjatë pushtimit të Ukrainës, duke pretenduar për ditë të tëra se nuk kishte pësuar viktima.
• Negociatorët për Kievin dhe Moskën po mbërrijnë në Bjellorusi për bisedimet e paqes, megjithëse presidenti Volodymyr Zelensky ka paralajmëruar se nuk pret që diskutimet të japin rezultate.
• Ndërkohë, raportet brenda natës tregojnë se diktatori bjellorus Alexander Lukashenko po përgatitet të vendosë disa nga ushtarët e tij për t’iu bashkuar pushtimit rus.
• Banka Qendrore e Rusisë po përpiqet të frenojë ndikimin e sanksioneve perëndimore në ekonominë ruse duke rritur normat e interesit dhe duke ndaluar agjentët të shesin letra me vlerë të mbajtura nga të huajt

LEXONI GJITHASHTU:

• Ukraina pretendon se ka vrarë më shumë se 5000 ushtarë rusë
• Lutje për Ukrainën në katedralen e Shën Palit në Tiranë