Çfarë po ndodh në Hagë? Selimi kërkon t’i ndërrohet avokati mbrojtës

Nje zhvillim i papritur vjen nga Haga ndërsa ka nisur gjykimi ndaj ish-krerëve të UÇK-së. Rexhep Selimi ka kërkuar që avokati i tij David Young të mos e përfaqësoj më atë.

Selimi ka kërkuar të ndërpresë kontratën dhe ka kërkuar që Young të zëvendësohet nga avokati Geoffrey Roberts.

“Sekretari kërkon miratimin e Trupit Gjykues për ndërprerjen e parakohshme të shërbimeve të z. David Young (‘MrYoung’) si avokat i z. Rexhep Selimi. (‘Zoti Selimi’). Më 25 prill 2023, Zyra e Mbrojtjes mori një letër nga z. Selimi ku kërkonte që z. Young të tërhiqej si avokat i emëruar nga ai, dhe që është caktuar si avokat zëvendësues Geoffrey Roberts. Selimi përfshiu një përshkrim të shkurtër të motivimit të kërkesës së tij. Zyra e Mbrojtjes gjithashtu mori nga z. Selimi një formular të nënshkruar dhe datë kërkese për takim, si dhe një autorizim për z. Roberts. Në të njëjtën ditë, z. Young paraqiti një kërkesë përkatëse për t’u tërhequr si avokat i emëruar për z. Selimi bazuar në arsye të mira, dhe duke përshkruar arsyet për këtë”, thuhet në vendimin e Speciales.

Më tej në vendim thuhet se “z.Roberts i konfirmoi Zyrës së Mbrojtjes se ai ishte kontraktuar me një kërkesë për të përfaqësuar z.Selimi dhe se ai do të pranonte emërimin. z.Roberts pranohet në listën e avokatëve të specializuar në përputhje me nenin 7 të ligjit të Direktivës për avokatin”.

Nuk dihët se cilat jane arsyët qe pas 2 vite e gjysmë, ish-komandanti i UÇK-së Sëlimi ka kerkuar largimin e avokatit te tij mbrojtes

Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jo ndërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore. Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime.

LEXONI GJITHASHTU:

• Krasniqi thirrje për trupën gjykuese në Hagë: Mos përdorni shënimet e mia si prova
• Avokati: Nëse Rama mbështet Thaçin, nuk duhej të takohej me Vuçiç ditën e gjyqit