Champions League| Man Utd pa identitet, fitojnë Bayern, Real dhe Inter

Manchester United mund të konsiderohet padyshim dështimi i së mërkurës në Ligën e Kampionëve, pasi u mposht në transfertën e Kopenhagenit.

Një përballje që prodhoi 7 gola, me fitues danezët, duke rikthyer shpresat për kualifikim tek këta të fundit. Anglezët arritën të shënojnë në dy gola në fraksionin e parë, por kartoni i kuq i Rashford bëri që të mbeten me 10 futbollistë, e më pas rikthehen ekuilibrat. Rezultati përfundimtar u regjistrua 4-3.

Në të njëjtin grup Bayern mposhti Galatasarayn me një dopietë të Kane, i cili shkon në kuotën e 4 golave. Bavarezët mundën të sigurojnë kualifikimin menjëherë.

Një tjetër ekip që lë pas fazën e grupeve është Reali i Madridit që likujdoi Bragën në shtëpi. Të besuarit e Ancelottit shënuan një fitore 3-0 me golat e Diaz, Vini Jr dhe Rodrigo. Napoli u ndal në shtëpi nga Union ii Berlinit në barazim 1-1 edhe pse kaloi i pari në avantazh.

Në grupin D gjërat duke nmë të thjeshta, teksa krahas Interit, kualifikimin e siguroi dhe Real Sociedad. Spanjollët mposhtën në shtëpi Benfican me rezultat 3-1, por shpërdoruan dhe një penallti. Sa i përket zikaltërve, mjaftoi goli i Lautaro Martinez për të marrë 3 pikët e radhës, me vlerë kualifikimi.

Fitorja në Londër, nuk i jep të drejtë Arsenalit të kalojë menjëherë grupet, teksa i duhet dhe ndeshja e radhës për ta siguruar dicka të tillë. Topcinjtë triumfuan ndaj Sevillas me golat e Saka e Trossard, teksa të njëjtë gjë bëri dhe PSV ndaj Lens, duke fituar minimalisht.

LEXONI GJITHASHTU:

• Milani, perfekt ndaj PSG/ Kuqezinjtë dominojnë e triumfojnë, Dortmund ia del sërish
• Ndeshja Kosovë-Izrael do të zhvillohet me tifozë