Champions League: Newcastle sfidon Barcelonën, Man City përballet me ish-kapitenin

Mbrëmjen e së enjtes mbyllet java e parë e fazës së ligës, ku të tjera përballje interesante premtojnë spektakël, një prej tyre Newcastle-Barcelona, por dhe Manchester City që sfidohet nga Napoli në Etihad.

Lajmi i keq për katalanasit është mungesa e fenomenit spanjoll Lamine Yamal, por Hansi Flick e ka gati formacionin që do të ndeshet me qymyrxhinjtë. Kjo nuk është hera e parë që këto dy ekipe sfidojnë njëra-tjetrën, pasi më herët blaugranët kanë fituar 3 herë kundrejt 1 triumfi të kundërshtarit, por kjo bëhet fjalë për dy dekada më parë.

Paralelisht luhet dhe një tjetër sfidë interesante, ajo mes Manchester Cityt dhe Napolit. Një detaj interesant është se me kampionët e Italisë aktivizohet ish-kapiteni i qytetarëve Kevin De Bruyne, por dhe ish-lojtarët e Djajve të Kuq McTominay dhe Rasmus Hojlund. Në 4 ballafaqimet e mëparshme Man City ka fituar dy herë, 1 për Napolin dhe një duel i mbyllur në barazim. Favoritë në letër për fitimin e kësaj përballje janë anglezët.

Në fushë zbresin dhe Leverkusen, Monaco, Sporting e Galatasaray. Me interes pritet të shihen kampionët e Turqisë, të cilët kanë zhvilluar një merkato të jashtëzakonshme verore duke konfirmuar Osimhen, por afruar dhe Sane.

LEXONI GJITHASHTU:

• Gjigantët europianë e nisin me fitore, Bayern, PSG dhe Inter bindin në sfidat e para
• Hidhet shorti i Champions League/ Ndeshje big, 36 skuadrat mësojnë kundërshtarët