Champions: Milani triumfon në Bernabeu, Liverpool “leksion” Leverkusenit

E marta në Champions ka qenë spektakolare, ashtu si vetëm një kompeticion i këtyre përmasave di të sjellë emocionet për tifozët e futbollit. Në këtë garë, të mëdhenjtë nuk janë të paprekshëm, por edhe të vegjlit nuk e kanë legjitime humbjen, dhe këtë e treguan përballjet e zhvilluara në javën e 4 të Ligës së Kampionëve. Milani ishte skuadra surprizë e mbrëmjes duke mposhtur Realin e Madridit në Bernabeu, një duel i mbyllur me shifrat 1-3. Thiaë shënoi golin e parë për kuqezinjtë, dhe më pas Morata e Reijnders realizuan, ndërsa për galaktikët, goli i vetëm erdhi me penallti nga Vini Jr.

Një fitore spektakolare ishte ajo e Liverpoolit përballë Bayer Leverkusenit në Anfield, në një ndeshje të dominuar nga të besuarit e Arne Slot. Pjesa e parë nuk pati gola, ndërsa në të dytën, vendësit shënuan 4 herë. Tripleta e Diaz dhe Gakpo i dhanë fitoren e katërt në po aq ndeshje për Liverpoolin në Champions.

Zhgënjimi i mbrëmjes i takon Manchester Cityt, i cili u dorëzua përballë Sportingut të Lisbonës, ku protagonisti ishte Gyokeres, i cili realizoi tripletë në portën e qytetarëve. Pavarësisht se kaluan të parët në avantazh me Foden, të besuarit e Guardiolës pësuan 4 gola, 3 nga Gyokeres dhe 1 nga Araujo.

PSV Eindhoven mposhti Gironën 4-0, ndërsa Dinamo Zagreb humbi 1-4 përballë Slovan Bratislavas në ndeshjet e pasdites. Në mbrëmje ishte radha e Monaco, Celtic dhe Borussia Dortmund të merrnin fitoret e radhës, ndërsa dueli Lille-Juventus përfundoi në barazim 1-1.