Chelsea triumfon në Conference League, ekipi i vetëm që ka fituar të 3 kompeticionet

Finalja e Conference League nuk pati shumë histori, Chelsea ngriti lart trofeun pas një ndeshje mjaft të bukur përballë Betis, të cilën e dominoi sidomos në fraksionin e dytë.

Një duel i mbyllur në shifrat 4-1, duke mos patur nevojë për shtesat, me skuadrën e Enzo Marescas që vendos një rekord për ngjyrën blu. Chelsea bëhet skuadra e vetme e cila ka fituar trofeun e Champions League, Europa dhe Conference League.

Të mërkurën në Poloni, londinezët u ndëshkuan shpejt, që në minutën e 9’ ku Ezzalzouli shënoi gol, duke kaluar përpara spanjollët. Real Betis shpërdoroi disa mundësi, duke përfituar nga një Chelsea aspak i përqëndruar në 45’ minutat e para. Në fraksionin e dytë gjithcka ndryshoi, blutë e Londrës morën në dorë frerët e lojës dhe shënuan plot 4 herë.

Goli i barazimit erdhi në minutën e 65’ me autor Fernandez, por shumë shpejt Jackson do të përmbyste shifrat. Në vijim Sancho e pas tij Caicedo vulosën triumfin 4-1, që i dhurojnë Chelseas një tjetër trofe evropian, atë të munguarin, të Conference League. Dominimi i klubit anglez nisi që në fazën e ligës e deri në fund, duke konfirmuar diferencat me ekipet e tjera pjesëmarrëse në këtë garë.