Ciaran godet Shqipërinë, përmbyt rrugë në Tiranë. Lana rrezikon të dalë nga shtrati

Stuhia “Ciara” që përmbyti Firencen dhe Toskanën, ka përfshirë këtë të premte dhe Shqipërinë, ku janë shfaqur problematika në disa qytete.

Problematike mbetet situata në Tiranë, ku shumë nga rrugët e kryeqytetit janë përmbytur nga uji, duke vështirësuar qarkullimin e mjeteve.

Gjithashtu bëhet me dije se në disa zona mësohet se është ndërprerë energjia elektrike.  Prurja e lartë e reshjeve ka bërë që të rritet ndjeshëm niveli i lumit Lana, i cili rrezikon të dalë nga shtrati.

Sakaq kryebashkiaku Veliaj i ka bërë thirrje qytetarëve të shmangin lëvizjet e panevojshme në mënyrë që të minimizojnë daljet nga banesat.

Një efektiv mbeti i dëmtuar në zonën e “Pallatit me Shigjeta”, pasi u godit në kokë nga rënia e një objekti nga lartësia, si pasojë e erës.

Zonat më problematike në rang vendi, priten të jenë qytetet e Shkodrës, Lezhës, Elbasanit, dhe Korçë. Parashikohet se reshjet e shiut do të vazhdojnë gjatë gjithë natës, ndërsa paraditja e të shtunës, pritet të jetë një situatë edhe më alamante.

Sipas meteorologëve, ky është kodi i kuq, pasi do ketë edhe përmbytje, për shkak të stuhisë e cila ka prekur të gjithë Europën.

Tirana sot:

LEXONI GJITHASHTU: 

• Shkëputet objekti nga stuhia, dëmtohet në kokë efektivi në Tiranë
• Malltezi ankimon sekuestrimin e pronave: Janë me burime të ligjshme