PD dhe PS në garë të ngushtë për votën e Durrësit | Barometri Politik

Nëse zgjedhjet do të mbaheshin këtë të diel, qarku i Durrësit do të votonte në këtë mënyrë: 43.3% e votuesve të anketuar nga Euronews Albania dhe kompania prestigjioze MRB do të votonin për Partinë Socialiste, 36.9% do të votonin për Partinë Demokratike dhe 5.4% do të votonin për Lëvizjen Socialiste për Integrim, ndërsa 2.5% e tyre do të votonin partitë e tjera.

Diferenca mes dy partive kryesore në qarkun e Durrësit shfaqet në nivelin 6.4%, shifër kjo më e ngushtë se në rang kombëtar ku është 10.6%.

Votuesit e pavendosur për bashkinë Durrës, Krujë dhe Shijak janë në masën 11.9%.

Prirja e votës by Euronews Balkans

Krahasuar me rangun kombëtar Partia Socialiste dhe Partia Demokratike kanë një mbështetje më të lartë në Durrës, ndërsa LSI paraqitet me mbështetje më të ulët në Durrës sesa shkalla kombëtare.

Sondazhi u shtri në zonat urbane dhe rurale të qarkut të Durrësit ku u realizuan 660 intervista ballë për ballë gjatë periudhës 7-17 mars.

Lexoni gjithashtu:

Menaxhimi i pasojave të tërmetit, qarku i Durrësit i vë notë qeverisë dhe opozitës

Preferenca për kryeministrin, Basha dhe PD performon më mirë në Durrës në krahasim me veten në nivel kombëtar