Cilat janë shtetet që financojnë tregun e armëve të Rusisë dhe SHBA-së?  

SHBA është eksportuesja më e madhe e armëve në rang global.

Në 10 vitet e fundit ajo ka eksportuar 35% të armëve drejt 130 shteteve të ndryshme.

Vitet e fundit, tregu më i madh amerikan për sa i përket shitjes së armëve ishte Arabia Saudite.

Gjatë dekadës së fundit,  Arabia Saudite ka blerë 24% të armëve amerikane.

Rusia është eksportuesja i dytë më e madhe e armëve në të gjithë botën duke qenë e përgjegjshme për 22% të të gjithë eksporteve në vitin 2021.

India vazhdojnë të jetë importuesi më i madh i armëve ruse.

Uria e ushtrisë indiane për armatimet ruse vjen si pasojë e luftës së heshtur mes saj dhe Kinës.

Prej kohësh, Rusia ka financuar dhe stërvitur rebelët pro-rusë në Ukrainë. Që nga aneksimi i Krimesë në vitin 2014, Rusia ka dërguar armë të të gjitha llojeve, nga pistoletat, tek automatikët, minat, tanket dhe raketa hedhësit drejt këtij rajoni.

Efektet e Luftës në Ukrainë mbi Tregtinë e Armëve

Sipas të dhënave të fundit nga SIPRI, tregtia globale e armëve kishte rënë me 4.6% gjatë 5 viteve të fundit por pas luftës, shumë shpejt Europa u kthye në një importues të rëndësishëm duke i rritur blerjet me 19%.

Shtete si Mbretëria e Bashkuar, Holanda dhe Norvegjia ishin ndër importuesit më të mëdhenj në këtë periudhë.

Të alarmuara nga pushtimi i Ukrainës, shtetet evropiane kanë shtuar buxhetin e tyre të mbrojtjes dhe një shembull konkret është Gjermania e cila shpenzoi shifrën marramendëse prej 100 miliardë eurosh për të forcuar dhe përditësuar ushtrinë e saj.

LEXONI GJITHASHTU: 

• Ku fshihen paratë e oligarkëve rusë?
• Si po përdoren delfinët nga ushtria ruse në Detin e Zi?
• ‘Nëse vdes…’, Elon Musk bën disa postime shqetësuese në Twitter