Cili është qëllimi i vërtetë i Izraelit? Eksperti zbardh strategjinë

Eksperti Ledion Krisafi ishte këtë të hënë i ftuar në Euronews Albania për të folur për konfliktin izraelo-palestinez.

Ai tha se qëllimi i vërtet i Izraelit është të kolonizojë të gjithë bregun perëndimor, sepse nëse kjo ndodh atëherë nuk mund të flitet më për krijimin e dy shteteve, Palestinë dhe Izrael.

“Në bregun perëndimor ka me dhjetëra mijëra ushtarë izraelitë,  një gjë shumë e veçantë e bregut perëndimor është se ka një numër shumë të konsiderueshëm hebrenjshë të vendosur pas vitit 67. Janë ato që quhen koloni. Shumica prej tyre janë vendosur në zonën afër dhe numri i tyre është kaq i madh sa gati 25% e popullsisë së bregut perëndimor janë hebrenjë.

Kjo do të thotë se nëse në të ardhmen do ketë një marrëveshje për njohjen e dy shteteve, të gjithë kolonët hebrenjë-izraelitë, do duhet të jenë brenda shtetit të izraelit. Qëllimi i Izraelit në fund të fundit është kolonizimi i plotë i të gjithë bregut perëndimor që ata e quajnë Judea dhe Samaria, në momentin që kolonizojmë plotësisht të gjithë zonën nuk ka kuptim të flasësh më për dy shtete sepse nuk ka më dy shtete”,-tha Ledion Krisafi.

LEXONI GJITHASHTU:

• “Ky është vetëm fillimi”, Netanyahu: Hamasi do përballet me luftë të tmerrshme
• “Ky është vetëm fillimi”, Netanyahu: Hamasi do përballet me luftë të tmerrshme