Cili profesion ka pagë më të lartë? Maturantët të orientuar nga tregu i punës

Maturantët po orientohen nga tregu i punës, për të zgjedhur profesionin që duan të ndjekin. Kërkesat e larta për punë në fushën e teknologjisë, duket se edhe këtë vit do të jetë në krye të listës si preferencë e tyre.

“Kemi një rritje të nxënësve që zgjedhin degët e inxhinierisë kryesisht, mund të jenë inxhinieri ndërtimi, softwere, biokimi, pra degë që kërkon tregu i punës dhe nxënësit janë të orientuar gjithmonë e më shumë kryesisht me kodimin, programimin, që janë të kërkuara dhe jashtë vendit”, thotë Irida Sina, eksperte arsimi

Të rinjtë kërkojnë ato profesione që kanë paga të larta si dhe u ofron një mundësi punësimi jashtë vendit.

“Duan degë dinamike që e kanë të sigurt punësimin nesër…ajo çfarë mungon është lidhja me universitetet që promovojnë degët dhe maturantët sa njohuri kanë”, shprehet ajo.

Sipas të dhënave të INSTAT, degët si inxhinieria, teknologji e informacionin, mjekësia dhe administrim biznesi, janë ndër ato që vijojnë të përzgjidhen çdo vit nga maturantët.

Ekspertët thonë se duhet një menaxhim më I mirë I këshillimit të karrierës sidomos në zonat rurale, ku shpeshherë të rinjtë janë të painformuar mbi degët e reja.

LEXONI GJITHASHTU:

• 30 kuota për maturantët nga trojet, përjashtohen nga tarifa e marrëveshja 5-vjeçare
• Maturantët në Elbasan preferojnë infermierinë, synojnë largimin drejt Gjermanisë