E drejta për t’u regjistruar me logon e Partisë Demokratike në zgjedhjet lokale të 14 majit i takon grupit të Enkelejd Alibeajt. Sipas Komisionerit të Zgjedhjeve, Ilirjan Celibashi vendimmarrja për këtë çështje nuk është e KQZ, por kjo e fundit njeh vetëm dokumentacionin që vjen nga Gjykata dhe Regjistri Kombëtar i Partive, aty ku ende rezulton si kryetar, Lulzim Basha.

I pyetur për zgjerimin e votimit dhe numërimit elektronik në 14 maj, Celibashi tregoi objektivin që ka KQZ.

“Një apo dy bashki më shumë sesa Vora ne mundet ta realizojmë votimin elektronik, por gjithsesi mbetet për t’u parë nëse këtë javë, ose maksimumi javës tjetër do të marrim një përgjigje të qartë nga qeveria nëse i disponojmë paratë për ta financuar këtë projekt,” – u shpreh Celibashi.

Në mbledhjen e kësaj të enjte KQZ vendosi me short që anëtari i shtatë në KZAZ-të me numër tek do jetë i PD ndërsa në ato me numër çift i PS.

LEXONI GJITHASHTU:

• Alibeaj reagon pas përjashtimit të 4 deputetëve: Unë jam drejtues i PD
• Çfarë ndodh nëse Berisha fiton gjyqin dhe KQZ-ja ka ende anëtarët e Alibeajt?