“Ç’kusur ka të më mbajë djali”, pensionistët dalin sërish në protestë

Në një moment të tensionuar për pensionistët shqiptarë, Kryeministri Edi Rama po zhvillon një takim me pensionistët në Durrës për të diskutuar skemën e re të pensioneve.

Ndërkohë, jashtë ambienteve të Kryeministrisë në Tiranë, pensionistët po organizojnë një protestë të dytë, duke shprehur kërkesat e tyre për rritjen e pensioneve.

Kërkesat e protestuesve mbeten të njëjta, me theks të veçantë në rritjen e shumave të pensioneve.

Një pjesë e madhe e pensionistëve po ashtu po krahasojnë pensionet e tyre me ato të vendeve fqinje, si Kosova, e cila ka përjetuar një rritje prej 20% në pensione, ndërsa Shqipëria ka pasur një rritje më modestë prej 4.6%.

Protestuesit kërkojnë që qeveria të marrë masa të menjëhershme për të adresuar këtë diferencë dhe për të siguruar një jetë më dinjitoze për të moshuarit në Shqipëri.