Çmimet kombëtare të letërsisë/ Shpallen prurjet më të mira letrare për vitin 2022

Qendra e Librit shpalli 6 Çmimet Kombëtare të Letërsisë për vitin 2022, në një ceremoni ku merrnin pjesë personalitete të artit dhe të kulturës.

Edhe pse jetojmë në kohë ku ndihet gjithmonë e më tepër presioni i teknologjisë, letërsia si arti i fjalës vazhdon të komunikojë me çdo kohë dhe të ridimensionohet prej saj.

Qendra Kombëtare e Librit dhe leximit bashkë me Ministrinë e Kulturës si çdo fundvit shpallen prurjet më të mira letrare për vitin 2022 në një ceremoni te mbajtur me datë 27 Dhjetor, datë e cila përkon edhe me 124 vjetorin e lindjes se princit te poezisë së dashurisë, Lasgush Poradeci.

Kjo traditë fundviti na njohu me çmimet kombëtare të letërsisë ku romani më i mirë i vitit u zgjodh ai i autorit Stefan Çapaliku me veprën “Një engjëll me frak”.

Përkthimin më të mirë e fitoi përkthyesja Mira Meksi, e cila ka sjellë në shqip kryeveprën e Gabriel Garcia Marquez “Vjeshta e Patriarkut”.

Tregimi më i mirë u përzgjodh “Hoteli përbri kishës” nga autori Behar Jacaj.

Vëllimi poetik me i mire I vitit u shpall “Lumturia e të tjerëve” nga Olimbi Velaj.

U nderua me çmimin për veprën më të mirë studimore studiuesi Xhevat Lloshi.

Nuk mungoi as çmimi për letërsinë për fëmijë, ku autorja Edi Gogu me librin “Tezja dhe shkopinjtë magjik” u shpall libri më i mirë i vitit për lexuesit e vegjël.

LEXONI GJITHASHTU:

• Rriten rastet me grip/ Simaku: Bëni kujdes, piku pritet në fund të janarit
• Superliga Europiane me buxhet marramendës, “plani” për të mposhtur UEFA-n