Ç’ndodh me bredhin pas festës/ Rumani, aktivistët kundër tregtarëve: I shpërdorojnë

Çfarë ndodh me pemën pas festave? “Ylli” i vërtetë i ditëve të para-Krishtlindjes, që ka shërbyer si dekor dhe si vend për vendosjen e dhuratave kthehet në mbeturinë.

Në panairin e bredhave në Rumani, para Krishtlindjes çmimi i pemëve arrinte në 400 Lei, ose 80 euro, në vartësi të përmasave. Në Bukuresht mund të shohësh pemë të braktisura nga tregtarët dhe kalimtarë të rastit që përfitojnë për t’u pajisur me një të tillë.

 “Ata po i shisnin pemët me 20 euro dhe kur erdhi nata donin t’i shisnin pak më lirë. Ata duhet t’i ofrojnë ato me 10 euro, por nuk mendojnë si tregtarë”.

Sa vijnë e shtohen zërat në favor të një zgjidhjeje ekologjike dhe të përgjegjshme për t’u ndarë nga pema e Krishtlindjes, pa gjeneruar mbeturina shtesë. Nëse e blini në një vazo, atëherë ju mund ta rimbillni pemën tuaj.

 “Askush nuk mendon për qëndrueshmërinë, pasi të gjithë tregtarët, pas Krishtlindjes i lënë bredhat brenda tregjeve dhe largohen me paratë që kanë siguruar një ditë më parë”.

Në Rumani, teksa disa qytetarë celebrojnë Krishtlindjet e Ritit të Vjetër, tregtarët shpresojnë t’i shesin pemët edhe për Vitin e Ri.

LEXONI GJITHASHTU:

• Binjakët e Krishtlindjes në Skoci, do festojnë në data të ndryshme
• Krishtlindjet në Gjirokastër, besimtarët e krishterë bashkohen në ditën e shenjtë