Krishtlindjet në Gjirokastër, besimtarët e krishterë bashkohen në ditën e shenjtë

Besimtarët e krishterë në Gjirokastër kanë festuar Krishtlindjen ndërsa zhvilluan edhe ritet religjoze në këtë Ditë të Shenjtë. Mesha e mëngjesit të Krishtlindjes për besimtarët ortodoksë u zhvillua në kishën-katedrale ” Ngjallja e Krishtit” me pjesëmarrjen e besimtarëve të shumtë që përcollën urimin për më shumë paqe, mirësi dhe harmoni

” Me këtë rast na jepet mundësia që të urojmë gjithë ortodoksët ti urojmë për Krishtlindjet, festat e fundvitit, të kenë një vit të mbarë dhe uroj gjithë shqiptarët kudo ku janë vit të mbarë dhe suksese dhe begati të kenë”,-u shpreh një besimtar.

“Gëzuar të gjithëve, një ditë e mbarë, shëndet dhe lumturi na sjelltë kjo ditë dhe ky vit i ri që po afron” ,-tha besimtari.

“Në këtë vigjilje Krishtlindjesh uroj nga zemra Gëzuar të gjithë shqiptarët kudo që janë shëndet, mbarësi dhe gjithë të mirat, shpresoj të jetë një Krishtlindje e bukur, e bardhë për të gjithë dhe të vij një vit sa më i mbarë”.

Mesha e Krishtlindjes është zhvilluar edhe nga besimtarët katolikë në kishën ” Xhuzepe Gras” në Gjirokastër.

“Gëzuar Krishtlindjet dhe paqe, sepse natën e Krishtlindjes ëngjëjt kanë lajmëruar paqe, dhe sot kemi shumë nevojë paqen në zemër, paqe për secilin prej nesh, familjen dhe në kombet ku lufta është tani duke shkatërruar edhe shpresën e njerëzve”, -tha At Lauri Del Otero.

Festimet e Krishtlindjes kanë vazhduar në familjet e besimtarëve në rajonin e Gjirokastrës.

LEXONI GJITHASHTU:

• Krishtlindje në Durrës, mijëra besimtarë morën pjesë në meshë
• Begaj uron Krishtlindjen krah Janullatos: Kjo është ditë e dritës hyjnore