Ervin Bushati: PS është e sigurt për fitoren, ka organizim më të mirë se PD

Ervin Bushati është shprehur i sigurt se Partia Socialiste do të fitojë zgjedhjet vendore të cilat pritet të zhvillohen më 14 maj.

I ftuar në Euronews Albania ai tha se ndryshe nga Partia Demokratike e cila punon më tepër në fushatë, Partia Socialiste punon çdo ditë si milingona, ndaj e ka të sigurt fitoren.

“Partia Socialiste është e sigurt në fitore, do ketë çmime ngushëlluese për Partinë Demokratike, por Partia Socialiste ka dy kushte se pse punon. E para është një parti e strukturuar dhe e ka organizimin shumë herë më të mirë se Partia Demokratike, e ka pasur gjithmonë.

Partia Demokratike funksionon më shumë me frymë në fushatë, Partia Socialiste punon përditë si milingona. Ajo është mësuar të punojë dhe do të punojë bindshëm edhe për ta demoralizuar, denigruar dhe për ta fragmentuar sa më shumë opozitën edhe për 2025”,-tha për Euronews Albania ish-deputeti socialist Ervin Bushati.

LEXONI GJITHASHTU:

• Dodik: Më vjen mirë që Blinken ka dëgjuar për mua, por ne s’i japim pronat Srpska
• Von der Leyen: Ukraina, faktor përcaktues për marrëdhëniet Kinë-Evropë
• Rritet me 15 për qind çmimi i energjisë elektrike në Kosovë