Daci: Rrethi do ishte më i gjerë, pse shpëtuan zyrtarët në dosjen “Partizani”

Avokati Jordan Daci ishte këtë të hënë i ftuar në një intervistë për Euronews Albani për të folur për dosjen “Partizani”, për të cilën është arrestuar Fatmir Bektashi, Jamarbër Malltezi, i cili ëhstë dhëndër i ish-kryeministrit Sali Berisha, për të cilin është marrë masa detyrim paraqitje.

Daci tha se nëse hetimet do të kishin nisur më herët rrethi i të hetuarve do ishte më i gjerë, por ata “kanë shpëtuar” për shkak se vepra penale e tyre nuk dënohet më shumë se dhjetë vite, e tashmë janë konsumuar dhjetë vite nga kryerja e veprës penale.

“Ajo që nuk mund të bëhet në këtë rast është që shumica e personave të përfshirë, që janë me dhjetëra, u është parashkruar ndjekja penale, sepse do të kishin shpërdoruar detyrën. Në këtë raste ka kaluar afati i parashkrimit e për rrjedhojë nuk mund të merren në ndjekje penale.

Gjithsesi, organet procedues, për transparencën e publikut do duhet që në dokumentet e tyre t’i theksojnë këto emra, që janë edhe këta fajtorë, por ne nuk i ndjekim dot. Për rrjedhojë, mundësia e zgjerimit është e vogël me përjashtim të veprave të cilat dënohen me mbi 10 vite burg, siç ëhstë në rastin konkret korrupsioni pasiv, apo pastrimi i produkteve të krimit e të tjerë me radhë”,-tha avokati Jordan Daci.

LEXONI GJITHASHTU:

• Baçi: Malltezi ka “faj” që është dhëndri i Berishës! 5.4 mln euro fitime jo të tijat
• Prona, apartamente dhe vila në Lalëz, lista e pasurive të sekuestruara të Malltezit