Baçi: Malltezi ka “faj” që është dhëndri i Berishës! 5.4 mln euro fitime jo të tijat

Deputeti i Partisë Demokratike, Luan Baçi tha në një intervistë për Euronews Albania se i vetmi faj i Jamarbër Malltezit është që është dhëndri i Sali Berishës.

Përndryshe, sipas Baçit janë qindra denoncime të opozitës që pluhurosen në SPAK dhe duhet të marrin zgjidhje.

“Janë me qindra denoncimet që ka bërë opozita me fakte dhe argumente që qëndrojnë në SPAK dhe pluhurosen dhe një denoncim i bërë nga Balla, nga grupi parlamentar i Partisë Socialiste pa lidhje fare…zoti Malltezi i vetmi faj që ka është dhëndri i Sali Berishës sepse nuk ka mbajtur ndonjë post publik, nuk ka abuzuar me financat publike. Kur themi 5.4 milionë euro, këto janë fitime të kompanisë, jo të zotit Malltezi.

Unë kam të drejtën, kur kam një pronë të hyj në marrëdhënie private me ortakë të ndryshëm, të bëj pazar me ta dhe të filloj të kërkoj përqindjen më të lartë për atë aftësi që unë kam njohje. Kësaj i thonë të dënosh për propagandë,” – u shpreh Baçi.

LEXONI GJITHASHTU:

• Prona, apartamente dhe vila në Lalëz, lista e pasurive të sekuestruara të Malltezit
• Foto e Malltezit përpara gjykatës, shtyhet seanca për masat e sigurisë