Samiti i Komunitetit Politik Europian, Rama pritet nga mbreti Frederiku X

Danimarka do të mirëpresë të enjten më 2 tetor Samitin e Komunitetit Politik Europian, një ngjarje ku do të marrin pjesë 45 udhëheqës evropianë, përfshirë ata të institucioneve të Bashkimit Evropian.

Kryeministri Edi Rama mbërriti ditën e sotme të Kopenhagë ku u prit me ceremoni shtetërore nga Mbreti Frederiku X, dhe bashkëshortja e tij në Pallatin Amalienborg.

“Mikpritja nga Madhëria e Tij, Mbreti Frederiku X, dhe Madhëria e Saj, Mbretëresha Margrethe II, në Pallatin Amalienborg.

Pas mikpritjes që Shqipëria i bëri Samitit të Komunitetit Politik Europian në Tiranë, sot rrugëtimi vijon në Kopenhagen, ku Danimarka ka marrë stafetën e organizimit të takimit të radhës”, shkroi Rama në faqen e vet në Facebook.

Sipas BE-së, gjatë samitit do të mbahen disa tryeza diskutimesh për disa aspekte të situatës së sigurisë në Evropë përfshirë “kërcënimet tradicionale dhe hibride, sigurinë ekonomike dhe migrimin”.

LEXONI GJITHASHTU:

• Rama publikon pamje nga prishja e ndërtimeve pa leje në Parkun e Valbonës: Ndaluni
• Rama udhëton drejt Danimarkës për takimin e Komunitetit Politik Europian