Departamenti Amerikan i Shtetit i ka dhënë dritën jeshile Holandës për blerjen e dy sistemeve të mbrojtjes ajrore Patriot, njoftoi sot Pentagoni.

Holanda do të paguajë 202 milionë euro për dy sisteme të reja të mbrojtjes ajrore, si dhe për modernizimin e tre sistemeve Patriot që tashmë ka, raportoi holandezja NL Times.

Sistemet Patriot përdoren për të mbrojtur hapësirën ajrore dhe mund të rrëzojnë raketa, helikopterë ose aeroplanë në një distancë deri në 60 kilometra.

Në SHBA, është zakon të kërkohet leje nga niveli më i lartë përpara se sistemet Patriot të mund të shiten në një vend tjetër.

Siç thuhet nga Pentagoni, dorëzimi i sistemit Patriot në Holandë, të cilin ata e quajtën një aleat të rëndësishëm të NATO-s, do të përmirësojë stabilitetin në Evropë.

Në fillim të vitit të kaluar, Holanda dërgoi dy raketa lëshimi Patriot dhe disa raketa nga rezervat e saj në Ukrainë.

Nuk është e qartë nëse sistemet e reja do të mbushin rezervat apo nëse do të kenë një qëllim tjetër.

LEXONI GJITHASHTU:

• Kamala Harris zotohet për qasje më të ashpër për imigracionin në SHBA
• SHBA mbështet Izraelin, Hamasi thirrje studentëve: Mos e lini Gazën të qetë