DASH publikon videon e 75 vjetorit të NATO-s, Hasani i vetmi protagonist nga rajoni

Departamenti Amerikan i Shtetit ka publikuar këtë të enjte një video për 75 vjetorin e krijimit të NATO-s.

Në video shfaqen disa prej liderëve më të rëndësishëm botërorë, por dhe gjeneralve kyç të aleancës euro-atlantike.

Protagonist në videon e publikuar nga DASH, ishte dhe ministri për Evropën dhe Punët e Jashtme të Republikës së Shqipërisë, Igli Hasani.

Hasani është kryediplomati i parë i cili mban një fjalim dhe i vetmi protagonist nga rajoni në pamjet e shpërndara.

“E lindur nga hiri i Luftës së Dytë Botërore, NATO u ngrit si një fener paqeje dhe stabiliteti” tha ministri në video.

Në videomesazh është edhe presidenti amerikan Joe Biden, i cili deklaron mbështetjen ndaj aleancës.

“75 vjet, 32 Aleatë. 1 miliard njerëz të mbrojtur. Lindur nga hiri i Luftës së Dytë Botërore, NATO është një fener paqeje dhe stabiliteti. Së bashku më të fortë” shkuan Deparamenti i Shtetit Amerikan në mbishkrimin e videos së postuar.

75 years. 32 Allies. 1 Billion people protected.

Born from the ashes of WWII, @NATO is a beacon of peace and stability. #StrongerTogether pic.twitter.com/rFyHYGds3U

— Department of State (@StateDept) July 9, 2024